|
Bizga bahor begonadir borgan sari,
Ko'nglimiz ham vayronadir borgan sari.
Shodon yelib yurar edik avvallari,
Endi umr g'amxonadir borgan sari.
Tolibdimi yashamoqdan jism-u jonim,
Tan ichra dard pinhonadir borgan sari.
Shifo so'rab borsam manzil-makonlarga,
Topar joyim xilxonadir borgan sari.
Do'st-u yor ham yiroqlashib sekin-sekin,
Adovatlar xufyonadir borgan sari.
Izlanaman, yig'lanaman ruhim kuyar,
Yolg'iz xudo hamxonadir borgan sari.
Shoshdan ketar bo'lsa Chorsham borgan yeri,
Buxoro-yu Farg'onadir borgan sari.
Bizga bahor begonadir borgan sari,
Ko'nglimiz ham vayronadir borgan sari.
|
TL: 
